ياليت ان الزمن يرجع ورى ولا الليالي تدور

قصيده جميله للشاعر فيصل اليامي :
عيال حارتنا

ياليت ان الزمن يرجع ورى ولا الليالي تدور
ويرجع وقتنا الأول وننعم في بساطتنا

زمان اول احس انه زمانًًًًٍٍ فيه صدق شعور
نحب ونخلص النيه.. وتجمعنا محبتنا

زمن ما فيه لا غيبه.. ولا حتى نفاق وزور
ياليته بس لو رجع ونسترجع طفولتنا

صغار قلوبنا بيضا..نعيش بعالمٍ محصور
ولا نعرف ابد اغراب ما غير عيال حارتنا

صحيح صغار فالتفكير لكن ماعلينا قصور
نخطط نكسر اللعبه.. وتسعدنا شقاوتنا

نروح المدرسه بدري ..ونضحك داخل الطابور
نحاول نزعج العالم في روحتنا وجيتنا

وعشان نأخر الحصه.. نخبي علبة الطبشور
نشاغب بس فالآخر.. تميزنا برائتنا

نحب الضحك والهيصه.. نحب انط فوق السور
نفرفش.. ليه مانفرفش مدام الضحك عادتنا

ولكن دارت الأيام.. وبان الخافي المستور
وصار الهم متعلي على قمة وسعادتنا

كبرناوصارت الدنيا تصف أحزاننا بالدور
وتهدينا الألم والهم غصب عن عين رغبتنا

تعبنا من بلاوينا ..أحد ضايق وأحد مقهور
وكلٍ غارق بهمه.. وفالآخر تشتتنا

وانا ما أقول غير الا وحلالاه الزمان يدور
ويرجع للورى فتره.. نعّدل وضع عيشتنا

تحياتي لكم ،،،،،،،،،،،،،،،،،،،،،،،،،،،،،،،،،،،،،،،،،،

اقتباس :: كبرناوصارت الدنيا تصف أحزاننا بالدور
وتهدينا الألم والهم غصب عن عين رغبتنا

إيـــوالله كــبرنا...

اقتباس :: وانا ما أقول غير الا وحلالاه الزمان يدور
ويرجع للورى فتره.. نعّدل وضع عيشتنا

ليت الزمن يرجع وأنا أعــدل إخـطاي ... أمشـي طـريقٍ ماجهلته من أول

محبة

[ندعوك للتسجيل في المنتدى أو التعريف بنفسك لمعاينة هذا الرابط]

مشكورررررررررررررررررررررررررررر
على القصيدة الرائعة
وتقبل مروري

» العـشش قرى نســــيها الزمن في جازان / بالصور