فينك حبيبي غيبتك عذبت ناس .

فينك حبيبي غيبتك عذبـت نـاس

نـاسٍ تمنـى شوفتـك بالدقايـق

ياللي ملكت الروح ياعـل مابـاس

ياهل ترى مشغول ؟ولا أنت ضايق

صدقني أملك قلب مرهف وحساس

ماني على فرقى المحبيـن طايـق

لجلك عيوني تسهر الليل حـراس

والصدر في جوفه تشب الحرايـق

من زود حبك صرت بالحيل محتاس

فايق وبعض أحيان مانـي بفايـق

حاولت أعبر بالقلم فوق قرطـاس

وأرسلك أبيـات القصايـد وثايـق

ممكن يصير الشعر للحب مقيـاس

وممكن يصير الحب للشعر سايـق

دمجت ظُلم كليب مع غدر جسـاس

وأعطت نتيجة مذهلة (غير لايق )

حبك بقلبي زاد عن حـب غيـرك

وحدك حبيبـي تستحلـه ويفـداك

ويفداك كل اللي تبي من عشيـرك

لو تطلبه عمره بعد قلبـه أعطـاك

تركت كل الناس واصبحت أسيرك

ولا ظن تهنـا لـي حياتـي بليـاك

إن غبت عني ساعـه الله يجيـرك

دايم خيالـي هايـمٍ فـي محيـاك

أشـواق قلبـي نبضهـا يستعيـرك

من واقع التفكيـر وأنعـم بذكـراك

وإذا التقت خطوة مسيري مسيـرك

قلت أه؟ ليت إخطاي ماتفرق إخطاك

أجادلك وأضحك معك وأستشيـرك

وأعيش لحظات الفرح يـوم لقيـاك

وأعاتبك فـي ماعـدا مـا يثيـرك

إلا عيونـي بالنـظـر ماتـعـداك

دايم حريص بمـا يريـح ظميـرك

وأعاملك يابعـد عمـري بمبـداك

وأنا بشر معرف نهايـة مصيـرك

اللي أعرفه بالحيـاه إنـي أهـواك

أتمنى انها عجبتكم ..

مماراق لي

[ندعوك للتسجيل في المنتدى أو التعريف بنفسك لمعاينة هذا الرابط]